فيروس كورونا

كورونا ( اخاف ولا لأ ؟ )

السلام عليكم

فيروس كورونا ياجماعة زيه زي اي فيروس في الدنيا كائن مجهري له دورة حياة كأي فيروس اخر و نقدر نقول بالعامية كده ابن عم الانفلوانزا بس معدل شوية وبعض الدول بتقول عليه نيو سارس فيرجن ! فاكرين وباء سارس ؟! اللي برضه رعب العالم فترة كده ؟؟ لكنه اخد دورته وانتهى وكذلك سائر الامراض الميكروبية او الفيروسية في بدايتها .. 
يعني نخاف ولا مانخافش ؟؟ 
اي حاجة غير متعارف عليها او جديدة وخصوصا الامراض لازم يتم التعامل معاها بحذر شديد لغاية مانعرف ماهيتها وده فيروس وبينتقل بسهولة فلازم نحاذر منه انما مش لدرجة الهلع ده ، وعلى فكرة نسب الوفيات من الكورونا حوالي ٢٪ فقط في حين ان مرض. تاني زي الايدز نسب الوفيات منه حوالي ٩٩٪ والسرطان حوالي ٦٥ ٪ وحتى الانفلونزا العاديه نسب الوفيات منها اكتر بكتييير  من الكورونا لو حصل اهمال طبي وتقدروا تشوفوا نسب الوفيات بسبب التدخين او حوادث الطرق وغيره وغيره هتلاقوا الموضوع واخد منحنى مش بتاعه . طب ليه الدنيا مقلوبة كده ؟؟ احب اقولك ان ده فيروس مش جديد ومعروف يمكن من ٢٠١٤ وبنفس اسمه لكنه ظهر وتفشى بشكل كبير بسبب عدوى من حيوان ونتيجة عادات غذائية خاطئة ولذلك بشوية تعليمات بسيطة تقدر تحمي نفسك واسرتك ان شاء الله من الاصابة بيه بس الاعلام مهتم لانه شيء جديد  او لاهداف تانية الله اعلم بيها !.

وكمان الحالات اللي تم تسجيل الاصابة وحصل وفيات فيها كان شيء من اتنين اما ان له تاريخ مرضي وبائي وسنه معدي السبعين تقريبا ودي اغلب الحالات او انه اتعدي باتصال مباشر من دولة فيها الوباء متفشي وهو عنده مشاكل في المناعة .

وتقريبا عدد الوفيات  اول شهرين في 2020 بسبب كورونا في العالم لم يتعدى ٣٠٠٠ حالة في حين ان الصين بس عندها اكتر من ٨٠ الف مصاب ده غير باقي الدول ووفيات اول شهرين من 2020 بسبب الانفلوانزا العادية حوالي 27 الف شخص وفي الاخر ده فيروس هاياخد دورته وينتهي ان شاء الله .

في النهاية نهتم  بالنظافة الشخصية وندعوا ربنا انه يحفظنا وان شاء الله خير اطمنوا .

ده مجرد رأي شخصي  ليس إلا .

                                           انتهى ،،