عود البطل
السلام عليكم
مش عارف كده فجأة انتشرت جملة عود البطل ولا عود القصب دي ، واتفاجئت انها اغنية لمطرب اسمه شاكوش واللي هو تقريبا صاحب الاغنية اللي عملت مشاكل من فترة صغيرة اللي اسمها بنت الجيران .
ايوة يعني عاوز اية ؟
والله مش عارف بس الحقيقة الموضوع بقى يزعل اوي ! انعدام انا اسف الرقابة على المصنفات او الاغاني بقى شيء يضايق حتى لو كانت الرقابة وهمية او كان في قرارات منع للمؤديين دول لكن الواقع بيقول انهم بيتشهروا اكتر وحفلاتهم بتزيد وده طبعا كارثه لانه دخل في اطار العند ، والطرف الخسران هو الهيئةالرقابية اللي شكلها بقى وحش اوي الصراحة لان قراراتها مابتتنفذش ومافيش عقاب حقيقي يمنع ده .
يعني هاني شاكر نقييب الموسيقيين يصدر قرار بمنع اغاني المهرجانات ، تاني اسبوع محمد رمضان يعمل ( انا جدع ) وشاكوش يعمل ( عود القصب ) وحفلات في الشارع !!!
ايه ده انت ضد الفن ؟؟
لا انا ضد النوع الهابط بس الحقيقة ، ممكن تقول حاجة كويسة عادي انما بلاش تلوث سمعي بالحاجات دي واللي للاسف بقى الاطفال والشباب الصغير بيرددها طول الوقت وهي كلها خلاعة وكلام فاضي .
يا مسؤلين من فضلكم حاسبوا الناس دي او افرضوا عليهم انهم يرتقوا بذوقهم شوية او يبطلوا .
في الاخر بادعي ربنا يصلح الحال .
انتهى ،،،
ليست هناك تعليقات:
إرسال تعليق