ابن حميدو
ابن حميدو ( مش اسماعيل يس ) زي ما هم عاوزين الناس تربط اسم الشخصية العظيمة دي بالكلام الفاضي بتاع الفيلم اللي كلنا شفناه اكتر من مييييت مرة ؛
البطل العظيم
( الريس حميدو بن علي ) كان قبطان حقيقي ، كان أمير البحار زي ماكانوا بيسموه ، اتولد الريس حميدوا بن علي سنة ١٧٧٣ وتوفي رحمه الله سنة ١٨١٥ اتولد في الجزائر والتحق بالبحرية الجزائرية وعمره ١٣ سنة واترقى فيها لغاية مابقى امير البحار وده في بداية وصول نابليون للحكم وقيام الثورة الفرنسية .
حكايتة :
اترقى الريس حميدو بن علي وبقى ظابط بحري وبعدين بقى امير البحار خلفا للقبطان خير الدين بربروسا اللي كان بيرعب اوروبا ، وكان الريس حميدوا بن علي رحمه الله هو وجماعته بيتصدوا لقراصنة اوروبا اللي كانت بتحاول فرض سيطرتها على شواطئ الجزائر وتمكن من السيطرة على سفينه برتغالية واخرى امريكية وضم ليهم سفينته ( مفتاح الجهاد ) واصبح لديه اسطول مكون من ٣ سفن وعليهم ٤٤ مدفع فقط قدر يفرض بيهم سيطرته على شواطئ الجزائر ، في الوقت ده كانت امريكا موقعة اتفاقية مع الجزائر لحماية سفنها مقابل جزية بتدفعها امريكا ، ولما منع الرئيس الامريكي جيفرسون الجزية بقت سفن امريكا بتتعرض لهجمات البحارة الجزائريين فأرسل جيفسون اسطول للجزائر للتفاهم مع حاكم الجزائر ومنع الضريبة واسترجاع الاسرى الامريكان وبالصدفة واثناء مرور الاسطول على الشواطئ الاسبانية في طريقه للجزائر قابلهم القبطان حميدوا بن علي بسفينة وحيده ( مفتاح الجهاد ) واعترض طريقهم في معركة كبرى غير متكافئة الاطراف استشهد فيها بسبب مدفع اصاب سفينته وده كان ١٧ يونيه ١٨١٥ وقبل مايموت يقال انه أمر جنوده انهم يرموا جثته في البحر _ لكنه كلام غير مؤكد _
وامر حاكم الجزائر وقتها ( عمر باشا ) بصلاة الغائب على القبطان المجاهد الشهيد حميدو بن علي واعلن الحداد ٣ ايام .
رحم الله أمير البحار الشهيد
الريس حميدو بن علي .
انتهى ،،،
رحمه الله
ردحذفاحسنت
ردحذفحلوة المعلومات دي
ردحذف