مستر اكس

مالكوم إكس ( مش مستر إكس )

السلام عليكم

الحاج مالك الشباز ،
 او مالكوم اكس واللي وصل لينا كعرب باسم مستر اكس واللي حاول الامريكان تشويه صورته فطبعا اول ماتسمع اسمه ييجي في بالك فؤاد المهندس . 

مالكوم اكس اتولد في مايو سنة ١٩٢٥ واستشهد في فبراير ١٩٦٥ .

مالكوم اكس اسمر اللون من أصل أفريقي اتولد  في امريكا وكان يطلق عليه مالكوم ليتل او مالكوم الصغير اتقتل ابوه على يد الامريكان المتعصبين للعنصريه والكارهين للافارقة السود ! وأعدم احد اعمامه بدون محاكمة ثم وضعت أمه في مستشفى أمراض عقلية وهو في سن الثالثة عشر ، فأودعوه دار رعاية اطفال ، وهو في سن العشرين اتسجن بتهمة السطو المسلح والسرقة ، اثناء وجوده في السجن بدأ بترتيب أوراقه وافكاره وانضم لمنظمة أمة الاسلام اللي كان بيترأسها الإيجا محمد واللي اتأثر بيه مالكوم اكس جدا وبعد ما اطلق سراحة سنة ٥٢ وبعد عشر سنين تقريبا اصبح المتحدث الاعلامي للمنظمة واصبح ينادي بالعنف والعنصرية والتفرقة بين السود والبيض والعديد من الاشياء اللي ندم عليها بعد كده وقال لقد فعلنا اشياء في الماضي ندمنا عليها في المستقبل ولو عاد بنا الزمن لما فعلناها مرة أخرى  ، وبسبب الافكارالمتطرفة دي وبعض خلافاته ومراجعاته لافكار الايجا محمد رئيس المنظمة انفصل عنها سنة ٦٤ بعد مارجع من رحلة طويلة لافريقيا زار فيها بلدان كتيره منها جنوب افريقيا ومصر وبعدين توجه لمكة لاداء مناسك الحج  وكان قد اتبع المذهب السني ولما رجع  امريكا  اسس منظمة المسجد الاسلامي وبعدها اسس المنظمة الافروامريكية واللي كانت منصة ليه للدفاع عن حقوق الافارقة والسود المضطهدين في امريكا والحفاظ على حقوقهم كمواطنين امريكان ،وجدير بالذك انه كان صديق مقرب للملاكم الشهير محمد علي كلاي واسلم على ايده كتيييير جدا من الامريكان حتى ان بعضهم لقبه بفاتح امريكا ، واتعرف مالكوم اكس على انه المناضل الثوري الشجاع اللي كان بيدعوا لصحيح الدين الاسلامي وتصحيح كتير من المفاهيم اللي اختلطت في الوقت ده وعمل كأمام مسجد ومحاضر ولذلك كان اعداؤه شايفين انه ايقونة التعصب والارهاب ! واعداء تانيين _ حركة أمة الاسلام _ شايفين انه بينادي بعكس افكارهم العنصريه !

ولذلك تم اغتياله سنة ٦٥ يعني بعد سنة من ترك منظمة امة الاسلام على يد ٣ من المنظمة !

واصبح مالكوم اكس اكثر شخصية افريقية مؤثرة في تاريخ امريكا 

رحم الله الشهيد المناضل 

الحاج مالك الشباز ( مالكوم إكس ) .

                                               انتهى ،،،